15 мая 2015 г.
Çурхи шывсем кĕрлесе юхса кайнă хыççăн Чапаев, Лермонтов, Заречнăй урамсенче пурăнакансем çуллен Сăхăт шывĕ çумĕнчи тапса тăракан çăла тасатма тухаççĕ. Çăлне бетон кăшăла илнĕ, умĕнчи валакра шывĕ çуталса выртать. Пурин те кăмăл-туйăмĕ хавхалануллă пулчĕ субботникра. Çăл куç шывĕ тапса тăни савăнăç, вăй-хал кỹрет пулĕ çав. Кам кĕреçепе, кам пĕчĕк урапапа тухнă тăван тавралăха илем кỹме. Чăвашсен ырă йăли-йĕрки, нимелле ĕçлесси, малалла та вăй илсе пытăр.
Р.ИГНАТЬЕВА. "Единая Россия" политика партийĕн Тушкилти уйрăмĕн секретарĕ.
Источник: "Ял ĕçченĕ"