13 августа 2007 г.
Паллă дирижер, Раççей халăх артисчĕ Морис Николаевич Яклашкин профессор çак кунсенче 60 çул тултарчĕ. Ентеше халалласа Чутей ял тăрăхĕн тĕслĕх вулавăшĕнче “Профессорăн чун туртăмĕ” каç иртрĕ.
М.Яклашкин – чăваш музыкине пропагандăлаканĕ, чаплă педагог. Унăн ячĕпе вулавăшра “Ывăнма пĕлмен дирижер” ятлă буклет кăларнă.
Тĕлпулура юбилярăн ашшĕпе амăшĕ, Николай Михайловичпа Елена Порфирьевна, ывăлĕн пурнăçĕнчи ырă тĕслĕхĕсемпе паллаштарнă, пухăннисене чейпе сăйланă.
Шкул ачисем музыкăпа литература композицийĕ кăтартнă.
Источник: "Ял ĕçченĕ"