04 сентября 2020 г.
Авӑн уйӑхӗн 2 – мӗшӗнче Иккӗмӗш тӗнче вӑрҫи вӗҫленнӗренпе 75 ҫул ҫитнине палӑртнӑ.
Германие çӗнтернӗ хыççӑн Совет Союзӗ союзник тивӗҫӗсене пурнӑҫласа 1945 ҫулхи çурла уйӑхӗн 9-мӗшӗнче Японипе çапӑçу пуҫланӑ. Совет-монгол ҫарӗсем хӑвӑрт наступлени тунине пула Маньчжурире Квантун ҫарне кӗске вӑхӑтрах аркатса тӑкнӑ. Ҫурҫӗр-Хӗвелтухӑҫ Китай тата Çурҫӗр Корея ҫурутравне ирӗке кӑларнӑ (халӗҪурҫӗр Корея территорийӗ). Совет Çарӗсем Кӑнтӑр Сахалин тата Курил утравӗсене йышӑннӑ. Вӑрҫӑ 1945 ҫулхи сентябрӗн 2-мӗшӗнче Япони капитуляци ҫинчен калакан Акт çине алӑ пуснипе вӗҫленнӗ. Çакӑ Иккӗмӗш тӗнче вӑрҫи вӗҫленнине те пӗлтернӗ.
Япони фрончӗсенче хӑйсен ҫар тивӗҫне пурнӑçласа тӑракансем хушшинче Чутей ял çыннисем те пулнӑ: П.К.Мясников, П.С.Шагуков, Н.Г.Шеруков, И.Я.Юркин, Н.И.Яклашкин, С.И.Янбашев, Н.А.Алексеев, Г.А.Козлов, П.Е.Матанин, Н.Г.Яклашкин, Л.С.Мишкин, Н.П.Куракин, В.С.Жарков, Е.И.Иванов, Ф.Т.Походкин Япони милитарисчӗсене аркатас ӗҫре вӗсен тӳпи те пур. Пурне те тӑшмана хирӗç паттӑр кӗрешнӗшӗн "Японие ҫӗнтернӗшӗн", "1941-1945çç. Тӑван çӗршывӑн Аслӑ вӑрҫинче Германие çӗнтернӗшӗн" медальсемпе, Тӑван Çӗршыв вӑрҫин II степень орденӗпе наградӑланӑ.
Николай Игнатьевич Яклашкина, Павел Ефстафьевич Матанина "Паттӑрлӑхшӑн" медальпе, Николай Григорьевич Яклашкина, Василий Степанович Жаркова (икӗ хут тата ХӗрлӗҪӑлтӑр орденӗпе), "Çапӑҫури тава тивӗҫлӗӗҫсемшӗн", Филипп Тихонович Походкина "Корейӑна ирӗке кӑларнӑшӑн" медальсемпе чысланӑ.
Николай Павлович Куракин ("Будапешта илнӗшӗн", "Венӑна илнӗшӗн" медальсемпе наградӑланӑ), Леонид Семенович Мишкина ("Кенигсберга илнӗшӗн"), Павел Ефстафьевич Матанина. Егор Иванович Иванова ("Хӑюлӑхшӑн" медале икӗ хут тивӗҫнӗ) нимӗҫ фашисчӗсемпе те ҫапӑҫнӑ.