24 мая 2016 г.
Пурте пĕлетпĕр, кăçалхи утă уйăхĕн 1 -мĕшĕнчен пуçласа çурлан 15-мĕшĕччен Пĕтĕм Раççейри ялхуçалăх çыравĕ иртет. Ялхуçалăхĕпе çыхăннă тĕрлĕ объектсем çинчен даннăйсем вырăн тупĕç унта.
Чутей ял тăрăхĕнче çырава хатĕрленсе тĕрлĕ ĕçсем пурнăçлаççĕ. Маларах çырав ирттерме 8 çынран тăракан комисси суйланă. Харпăр хăй хуçалăх тытакансен списокне йĕркелесе çитернĕ. Çуртсем çине номерсем çапса тухнă. Ялхуçалăх пĕлтерĕшлĕ çĕрсене, çуртсене право енчен йĕркене кĕртес тĕлĕшпе ĕçсем пыраççĕ халĕ. Культура ĕçченĕсем, ял тăрăхĕнчи специалистсем халăх хушшинче калаçусем ирттереççĕ. Буклетсемтуса хатĕрленĕ. Чутей ял администрацийĕн официаллă сайчĕ çинче Пĕтĕм Раççейри ялхуçалăх çыравĕ пирки ăнлантарнипе паллашма пулать. Информацие çĕнетсех пыраççĕ. Администраци çуртĕнче тата Çĕнĕ Ишпуç библиотекинче çак темăна халалланă стендсем вырнаçтарнă. Чутейри вулавăшра кĕнекесен куравĕ йĕркеленĕ.
В. Куприянова,
Чутей ял тăрăхĕн пуçлăхĕн çумĕ.