31 июля 2015 г.
Чутей ялěнчи ачасем çуллахи каникул вăхăтне усăллă ирттерме тăрăшаççě. Ленин, Лесная, К.Маркс, Çамрăксен урамěсенче пурăнакансем клубра ирттерекен тěрлě мероприятисене хастар хутшăнаççě.
Утă уйăхěн пуçламăшěнче Лесная урамри шкул ачисем «Çитěннисен кулли» ятлă концерт программи хатěрленě. Кашни киле билетсем валеçнě. Ертсе пыраканě Аделина Самарина пулнă. Чи пěчěк артист Н.Шамбулина хăйěн пултарулăхěпе куракансене тыткăнланă. Вăл виççěре çеç-ха. Темěн чухлě юрă пěлет, ташлама та ăста. А.Титова, Т.Титова, Т.Николаева, К. Шамбулина тата В. Куприянова та ăсталăхěпе килетернě. Пěчěк артистсене хавхалантарса А.Волкова пылак çимěçпе сăйланă.
В.Куприянова. Чутей ялě