06 февраля 2015 г.
Тӑван ҫěр-шыв хӳтěлевҫин кунне халалланӑ уйӑхлӑх вӑхӑтěнче Чутей шкулěнче тěрлě мероприяти иртет . Калаҫу сехечěсене, презентаци куравěсене, шашка турнирне 1 класран пуҫласа 11 класс таранах хутшӑнаҫҫě. Иртнě эрне кун 3 урок хыҫҫӑн 7-8 классем ертӳҫисемпе пěрле Тӑвайне ҫула тухрěҫ. «Аль» ФСКна ҫитсен пěрисем бассейна, теприсем тренажер залне васкарěҫ.
Ун хыҫҫӑн Тӑвайри халӑх музейěнче тěл пулу иртрě. Аваллӑх ҫӳпҫи экспонатсенчен пуян. Паттӑрлӑх пӳлěмěнче Аслӑ Ҫěнтерӳ 70 ҫул тултарас умěн тěрлě тěл пулусем йěркелеҫҫě. «Оборонительные сооружения в годы Великой Отечественной войны с. Янтиково» ятлӑ диорама вара тыл ěҫченěсен паттӑрлӑхне аса илтерчě. Тӑвайсем хӑш вырӑнсенче хӳтěлев сооруженийěсем тунипе интересленчě чылайӑшě.
Пуш уйӑхěн пуҫламӑшěнче районӑн 80 ҫулхи юбилейě. Унпа ҫыхӑннӑ тата Геннадий Козлов художник-ентешěн картинисен, Галина Мясникован ал ěҫěн куравěсем те асра юлчěҫ.
8 класри ачасем шкулти ӑмӑртусенче кӑна мар. районти тупӑшусенче ҫěнтереҫҫě. Кире пуканě йӑтакансен турнирěнче Андрей Волков 1-мěш вырӑн йышӑнчě. Хěрсенчен Ксения Горшкова виҫҫěмěш пулчě.
Кармалти Н.Афанасьев паттӑрлӑхне халалласа Тěмер шкулěнче виҫě енлě ӑмӑртусем иртрěҫ. Аслӑ ушкӑнрисем хушшинче Чутей шкулěн команди виҫҫěмěш вырӑн ҫěнсе илчě. Лидия Шоркина, Евгений Петров (10 кл.). Светлана Титова, Иван Юркин (11кл.) вěренекенсен пултарулӑхне палӑртмалла.