27 февраля 2007 г.
Тĕмер ял тăрăхĕн депутатсен Пухăвĕн черетлĕ ларăвĕнче администраци 2006 çулта мĕнле ĕçлесе пыни çинчен Г.И.Иванов отчет турĕ. Ял тă-рăхĕн бюджечĕн отчечĕпе Л.Ф.Данилова паллаштарчĕ.
Тĕмерпе Амалăх ялĕсенче право йĕркине мĕнле пурнăçласа пыни çинчен участокри милиционер В.Н.Игнатьев каласа кăтартрĕ.
Пăхса тухнă
Çак кунсенче Кармал ялне пырса профилактика совечĕн канашлăвне ирттерчĕç. Унта çемьере ачасене воспитани парассипе çителĕксĕр е па-чах та ĕçлемен З.Шашкова, О.Ушакова, И.Волкова ĕçĕсене пăхса тух-нă.
Тĕмер ялĕнче пурăнакан Р.Федорова, В.Кислов, Л.Пуршева тĕлĕшпе те çивĕч калаçу пулчĕ советра. Пурне те асăрхаттарса хăварнă.
Совет йĕркеленĕ
Çул çитмен ачасем обществăлла йĕркене пăсни Тĕмер ял тăрăхĕнчи депутатсене те пăшăрхантарать. Çавна пулах вĕсем хăйсен ларăвĕнче обществăлла воспитательсен советне йĕркелеме йышăнчĕç. Унта А.Николаева, Е.Степанова, И.Краснова, В.Сорокин, В.Федоров депу-татсене кĕртрĕç.
Ял старостине пăшăрхантаракан ыйтусем
Вăтаялĕнчи А.Чернов патне ял çыннисем час-часах тĕрлĕ ыйтупа пы-раççĕ. Вăл – ял старости. Алексей Яковлевич ялти ветерансемпе инва-лидсен организацине ертсе пырать. Çынсен ыйтăвĕсене татса парасси-пе тĕрлĕ учреждени, организаци ертÿçисем патне çитет. Ял старостине кил хуçисем урамри тасалăхшăн тăрăшманни питĕ пăшăрхантарать. Çÿп-çапа, таса мар шыва урама кăларса пăрахасси хăш пĕрисемшĕн ним те мар.
Источник: "Ял ĕçченĕ"