20 февраля 2007 г.
Февралĕн 10-мĕшĕнче çурçĕр çитеспе 23 сехет те 50 минутра Тĕмерти Попович урамĕнчи 21-мĕш çуртри В.Е.Сорокин кил хуçалăхĕнче пушар тухнă. Вут-кăварта çак урамра пурăннă И.В.Аксанов çунса вилнĕ. Вăл, кил хуçи больницăра выртнă пирки, унăн пÿртне хутса тăнă, лашине пăхнă. Çулăмра çавăн пекех пурăнмалли çурт-йĕр, ытти хуралтăсем, пĕтĕм пурлăх çунса кĕлленнĕ.
Инкек сăлтавне тĕпчеççĕ. Малтанлăха шутланă тăрăх, вăл кăмака хутнă чух тимсĕр пулнипе тухма пултарнă.
Хĕллехи вăхăтра кăмакасем юсавсăр пулни, газ приборĕсемпе тĕрĕс мар усă курни, кивелнĕ электропроводка инкек сăлтавĕсем пулса тăраççĕ. Çавăнпа граждансене тимлĕхе ÿстерме ыйтатпăр.
Источник: "Ял ĕçченĕ"