18 февраля 2017 г.
Чăваш наци телевиденийĕ 5 çулта. Çак тапхăра телеканал ăнăçлă ирттерчĕ. Унăн передачисене кĕçĕннисем те, аслисем те кăмăлласа пăхаççĕ. Наци телевиденийĕ Раççей шайĕнчи конкурссене хутшăнса пысăк çитĕнỹсем тăвать. Анчах та ăна ку таранччен пурте пăхма пултарайман.
Чăваш Ен Пуçлăхĕ М.Игнатьев хушăвĕпе иртнĕ çул вĕçĕнче телерадиовещание спутник урлă йĕркелес ĕçе пуçларĕç. Унăн операторĕ "Триколор ТВ" пулассине палăртнă. Çак тапхăр тĕлне Чăваш Енре унăн абоненчĕсен шучĕ 150 пине яхăн çитнĕ. Йыш татах та ỹсме пултарасси иккĕлентермест, спутник телевиденийĕн "пакетĕнче" чăваш каналĕ те пур.
Мартăн малтанхи кунĕсенче телеканала тĕрĕслеме пуçлаççĕ. Мартăн 8-мĕшĕнче Наци телевиденийĕ хĕрарăмсене кăна мар, Чăваш Енре пурăнакан мĕнпур çынна парнепе савăнтарма палăртать.
А.БЕЛОВ.
Источник: "Ял ĕçченĕ"