10 февраля 2017 г.
Федерацин 2016 çулхи раштав уйăхĕн 19-мĕшĕнче йышăннă "Федерацин "Чи пĕчĕк ĕç укçин виçи çинчен" саккунĕн 1-мĕш статйине улшăнусем кĕртесси çинчен" 460-мĕш саккунĕпе килĕшỹллĕн 2017 çулхи утă уйăхĕн 1-мĕшĕнчен кашни уйăхри чи пĕчĕк ĕç укçин виçине 7800 тенкĕ çирĕплетнĕ.
Вăл 2016 çулхи утă уйăхĕн 1-мĕшĕнчен вăя кĕнипе танлаштарсан 4 процент пысăкрах.
Чи пĕчĕк ĕç укçин виçипе шалу, чире пула ĕçе вăхăтлăха тухайман, ача çуратма хатĕрленнĕ, ăна пăхнă пирки çирĕплетекен пособие шутланă, социаллă страхованипе çыхăннă ыйтусене татса панă чухне усă кураççĕ.
Источник: "Ял ĕçченĕ"