07 февраля 2017 г.
Райадминистрацин ЗАГС пайĕнче автан çулĕн пĕрремĕш уйăхĕнче 40 гражданла акта (2016 çулхи январьте - 39) регистрациленĕ. Вĕсенчен çурални çинчен - 12 (11), вилнине - 25 (18), мăшăрланнине - 2 (7), уйрăлнине - 0 (3), ашшĕ кам пулнине палăртнине - 1 (0).
Кăрлач уйăхĕнче 8 арçын ачапа 4 хĕрача çут тĕнчене килнĕ. Пулас çĕршыв хỹтĕлевçисене Григорий, Демьян, Дмитрий, Константин (2), Матвей, Фейруз ятсем хунă. Ашшĕ-амăшĕ хĕр пĕрчисем валли вара Виктория, Дарина, Диана, Николь ятсем суйланă.
Кăрлач уйăхĕнче 2 çамрăк çемье чăмăртаннă, уйрăлакансем пулман. 11 арçын (вăтам ỹсĕмĕ - 63 çул), 14 хĕрарăм (75 çул) çут тĕнчерен уйрăлнă.
В.НОВИКОВА.
Источник: "Ял ĕçченĕ"