10 февраля 2017 г.
2013-2020 çулсенче ял хуçалăхне аталантармалли патшалăх программипе килĕшỹллĕн республикăн агропромышленноç комплексне кăçал федераци тата республика бюджечĕсенчен 1,5 млрд тенкĕ уйăрма пăхнă.
Çав шутра пĕрлехи субсиди - 727,9 млн, çыхăнса тăман пулăшу - 117,3 млн, сĕт ытларах туса илме - 90,3 млн, тỹрремĕнех куракан тăкака саплаштарма (АПК объекчĕсем тума тата вĕсене модернизацилеме, техникăпа оборудовани туянма) 71,1 млн тенкĕ куçарĕç.
РФ Правительствин Председателĕн Дмитрий Медведевăн йышăнăвĕпе килĕшỹллĕн федераци хыснинчен 300 пин таран çын пурăнакан хулари театрăн пурлăх никĕсне çирĕплетме 5,5 млн, ял клубĕсем тума 9,8 млн тенкĕ уйăрĕç.
Пĕчĕк тата вăтам предпринимательствăна аталантарма Чăваш Ен - 106 млн, вĕренỹ ĕçне йĕркелеме 510 млн тенкĕ илĕ. Шупашкарти Мускав кĕперне реконструкцилеме федераци бюджетĕнчен 340 млн тенкĕ килмелле.
Источник: "Ял ĕçченĕ"