03 февраля 2017 г.
Халăхăн тупăш шайне палăртас тата 2017 çулта социаллă программăсене хутшăнас тĕллевпе кăçалхи пĕрремĕш кварталта Росстат суйласа илнĕ сăнав ирттерет.
Ăна укçа тỹлессипе, хăй тĕллĕн йĕркелесе пыракан ĕçрен тупăш илнипе, пенсисемпе социаллă тỹлевсемпе усă курнипе тата ыт.те çыхăннă статистика информацине тĕпчесе пĕлес шутпа йĕркелесе ирттереççĕ.
Çапла майпа суйласа илнĕ сăнав ирттерме Раççей Федерацийĕн мĕнпур субъекчĕсенчи 160 пин уйрăм хушма хуçалăх хутшăнмалла. Пирĕн республикăра сăнава 1488 кил хуçалăха кĕртнĕ, вĕсенчен 864-шĕ хуласенче пурăнакансем, 624-шĕ - яллă вырăнсенче. Вĕсене ятарласа суйласа илмен, ăнсăртран хăшĕ лекнĕ - çавсене палăртнă. Çак шутра Тăвай районĕнчи Тăрмăш ялĕ те пур.
Источник: "Ял ĕçченĕ"