25 октября 2016 г.
РФ ял хуçалăх министрĕ Александр Ткачев Чăваш Ен Пуçлăхне Михаил Игнатьева Раççейĕн "Ылтăн кĕркунне-2016" агропромышленноç куравне хатĕрлесе ирттерес енĕпе пĕрле ĕçленĕшĕн тав тунă.
"Курав специалисчĕсемпе хăнисем Сирĕн регион экспозицийĕпе кăсăкланса паллашрĕç, унта инвестици проекчĕсене, ял хуçалăх таварĕсем туса кăларакансен, апат-çимĕç тата тирпейлекен промышленноç предприятийĕсен çитĕнĕвĕсене курма май пулчĕ", -тенĕ министр çырăвĕнче.
"Ылтăн кĕркунне-2016" Мускаври ВДНХ территорийĕнче юпа уйăхĕн 5-8-мĕшĕсенче иртнĕ. Унта Раççейĕн 52 регионĕнчи 1,1 пин ытла предприятипе организаци хăйсен продукцийĕпе паллаштарнă. Чăваш Енри предприятисен продукцине пысăк хак панă. Выльăх-чĕрлĕх ĕрчетессин номинацийĕнче Çĕрпỹ районĕнчи "Вурнарец" ООО ылтăн медаль çĕнсе илнĕ. "АККОНД СĔТ" комплексăн "От Красули" тата "Гармония дня" брендсемпе кăларакан продукцине ылтăн медальпе тата дипломпа хакланă.
Источник: "Ял ĕçченĕ"