29 марта 2016 г.
Халăха ĕçпе тивĕçтерекен районти центрта кăçалхи январьте вĕренсе хушма професси илме кăмăл тăвакансене тĕрлĕ консультаци панă, вĕренме янă.
Февраль уйăхĕнче вара вăхăтлăх ĕçе вырнаçакансем валли вакансисен ярмăрккине ирттертĕмĕр. Тĕмер, Мучар, Тăвай, Тăрмăш ял тăрăхĕсем, "Буяново" ООО, Н.Г.Сувонова предприниматель хутшăнчĕç унта. 9 çынна ĕçе вырнаçтарма май килчĕ. Пĕлтĕрхи ноябрь уйăхĕнче ярмăрккана инвалидсене йыхравланăччĕ, 4 çын хутшăннăччĕ. Центр вĕсене те тĕрлĕ консультацисем парать, ĕçе вырнаçма пулăшать.
2015 çулта центра ĕç ыйтса 21 сусăр çын пынă, 12-не ĕç вырăнĕ тупса пама май килнĕ.
Н.ИВАНОВА, ĕçпе тивĕçтерекен районти центр инспекторĕ.