Публикации » “Тăвай пики – 2013” конкурс

Мартăн 15-мĕшĕнче Тăвайри ял тăрăхĕсем хушшинчи культурăпа кану центрĕнче “Акконд” УАО, “Информ-медиа”, “Диал” тулли мар яваплăхлă обществăсем пулăшу панипе “Чăваш пики – 2013” конкурс иртет. Пĕлтĕр ăна районта пуçласа йĕркеленĕччĕ. Конкурса пултаруллă çамрăксене тупса палăртас, вĕсене малалла аталанма çул уçса пама пулăшас, наци культурине, йăли-йĕркине сыхласа хăварас, Чăваш Енри çамрăксен обществăлла, социаллă тата культура çыхăнăвĕсене аталантарас тĕллевпе ирттереççĕ. Вăл илем, ăс-хакăлпа ăс-тăн пахалăхĕсен, творчество пултарулăхĕн, унта хутшăнакан пикесен сăн-сăпачĕн пĕрлĕхĕ пулса тăрать.

Конкурса ял тăрăхĕсенчен 17–25 çулсенчи 9 пике хутшăнать.

“В контакте” социаллă сетьре мартăн 15-мĕшĕччен интернет-сасăлав пырать. Чи нумай сасă пухнă хĕр “Куракансен кăмăлне кайнă пике” ята тивĕçет. Ăна конкурс пынă вăхăтра (вăл 18 сехетре пуçланать) палăртаççĕ.