20 февраля 2015 г.
"Пуш уйăхĕн вĕçĕнче
Хĕвел пăхрĕ ăшăтса.
Силпи чăваш ялĕнче
Юр ирĕлчĕ васкаса..."
Çак сăвă йĕркисене пĕлмен чăваш ачи сахал-тăр. Пĕчĕкрех чухне "Нарспи" поэмăри çут çанталăк, Сентти пирки çырнă йĕркесене пăхмасăр вĕренеттĕмĕр. Ỹсерехпе Нарспипе Сетнер хушшинчи юрату çирĕплĕхне туяттăмăр.
Тĕмер библиотекинче те поэта халалласа тĕрлĕ мероприяти ирттерме палăртнă. "Нарспи" - чăваш поэзийĕн эткерĕ", "К.В.Иванов - чăваш халăхĕн юратнă ывăлĕ" кĕнеке куравĕсем йĕркелерĕмĕр.
Поэтăмăрăн кун-çулĕпе пултарулăхĕ çинчен электронлă презентаци хатĕрлеме пуçланă. Пукане театрĕн артисчĕсем те пулĕç-ха хăнара. Буклетсемпе викторинăсем йĕркелени те кĕнекепе туслаштарма пулăшĕç ачасене.
Г.ИВАНОВА.
Источник: "Ял ĕçченĕ"