01 августа 2014 г.
Çак кунсенче В.Чайкин председатель ертсе пынипе районти административлă комисси членсем Тăрмăш тата Тĕмер ял тăрăхĕсен территорийĕсенче тирпей-илем ыйтăвĕсемпе мĕнле ĕçленине тĕрĕслерĕç, урамсене пăхса çаврăнчĕç.
Рейда ял тăрăхĕсен пуçлăхĕсене В.Разинпа Г.Иванова та явăçтарнă. Вăтаялĕнче кил умĕсене таса тытман, тирпейсĕр хуçалăхсем тĕлĕшпе протоколсем те çырма тивнĕ. Комисси асăрхаттарнă хыççăн хăш-пĕрисем çийĕнчех кил умĕсене, урама тасатса пуçтарма тухрĕç, вĕсене кура кỹршисем те никам хушмасăрах çав ĕçе пуçăнчĕç.
Кил умĕсемпе пахчасене юхăнтарнă çемьесем Тăрмăшра та пур, вĕсене те асăрхаттарнă. Малашне çавнашкал рейдсем кашни ялтах пулаççĕ.
В.ВАСИЛЬЕВ.
Источник: "Ял ĕçченĕ"