01 августа 2014 г.
-тет Патăрьел районĕнчи Шăкăртанра çуралса ỹснĕ, Чăваш Республикин, Мускавпа Центральнăй регион муфтийĕ Альбир Крганов. Вăл икĕ созыв Раççейри Обществăлла палата йышĕнче ĕçлерĕ (Чăваш Республикинчи Обществăлла палата членĕ те), кăçалхи февральте Раççей Президенчĕ Владимир Путин хăйĕн Указĕпе ăна каллех асăннă палата членĕ пулма çирĕплетрĕ.
-Тĕнсем тĕрлĕрен пулин те, эпир - пурте пĕр халăх, пурте пĕр çĕр-шывра - Раççейре - пурăнатпăр. Пирĕн çĕр-шыв тĕрлĕ халăхсем тата тĕнсем хушшинче килĕшỹлĕхпе çураçулăх тупассипе паха опыт пухнă. Раççей пĕрлĕхĕнче пĕр халăх та хăйĕн культурине çухатмасть,-тет Альбир-хазрат. -Эпир Чăваш Енри влаç органĕсемпе, республика Пуçлăхĕпе, Культура министерствипе тачă çыхăнса ĕçлетпĕр, пĕрлехи мероприятисем ирттерме тăрăшатпăр, пĕлтерĕшлĕ ыйтусене пĕрле сỹтсе яватпăр.
Альбир Крган сăмахĕ тăрăх, Раççей Президенчĕ Владимир Владимирович Путин суйлав умĕн тухса калаçнă чухне нацисем хушшинчи хутшăнусем пирки те сăмах хускатнă. Ун пирки хăйĕн шухăшне уçăмлăн палăртнăччĕ. Патшалăх ертỹçи çынсен йĕрке-тирпей пахалăхĕсене хỹтĕлени, тĕрлĕ тĕнсен тата наци организацийĕсен представителĕсене савăнтарать. Çав пахалăхсене çухатма юрамасть, вĕсене упраса хăвармалла.
Çак кунсенче муфтипе Чăваш Республикин культура министрĕ Вадим Ефимов тĕл пулнă. Вĕсем республикăри конфессисен ыйтăвне, регионта мăсăльмансен Духовнăй управленийĕн ĕçне йĕркеленĕренпе 20 çул çитнине халалланă мероприятисене хатĕрленсе ирттерес ыйтусене сỹтсе явнă.
ЧР Культура министерстви.
Источник: "Ял ĕçченĕ"