Публикации » Ирчченех савăннă

Вăтаяльсем Çĕнĕ çула чăннипех те савăнăçлăн кĕтсе илнĕ.

Кремль куранчĕсем Çĕнĕ, 2013 çул çитнине пĕлтериччен маларах аслă ÿсĕмри çынсемпе ача-пăча, тĕрлĕ персонажсем ялти клубри елка тавра пухăннă, юрланă, ташланă, лотерея билечĕсем выляттарнă. Кама тырă, кама автан, кама ытти япала тухнă. Çапах та Çĕнĕ çул килсе çитнĕ саманта килĕсенче кĕтсе илнĕ çынсем, пĕр-пĕрне саламланă, ырă суннă. Урама тухса фейерверксем янă.

Ун хыççăн Г.И.Никитина предпринимателĕн “Калина” магазинĕ умĕнчи урамри Çĕнĕ çул елки тавра пухăннă ял çамрăкĕсемпе ыттисем. Кунта та 100 яхăн лотерея билечĕ выляттарнă. Аван япаласемех илнĕ телейлĕ билет хуçисем.

Елка таврашĕнчи площадьре ирчченех юрланă, ташланă, тĕрлĕ интереслĕ вăйăсем вылянă, савăннă. Çутă музыкипе хавхаланнă. Фейерверксем таврана илем кÿнĕ. Паллах, Хĕл Мучипе Юр пике те пулнă, хастаррисене парнесем панă. Спонсорĕ – маларах асăннă предприниматель.