Публикации » Юсав ĕçĕсене – пилĕк кунта

Тĕмерти ача садĕнче юсав ĕçĕсем вĕçленчĕç. Коллектив вăйĕпе малтан садик территорине сăрласа илем кÿтĕмĕр. Асамлă “кермен”, грибоксем, шыв килеми, веранда стенисем юмахри сăнарсемпе капăрланчĕç. Спорт площадки те тĕрлĕ тĕссемпе сăрланăран ачасене хăй патне туртать. Тулти ĕçсене вĕçленĕ хыççăн шалти юсава пуçларăмăр. Çĕнĕрен уçăлнă ушкăнри çывăрмалли тата хывăнса-тăхăнмалли пÿлĕмсенче линолеум сарнă çĕрте Николай Красновпа Николай Жилкин тăрăшрĕç. Унсăр пуçне вĕсем юсавсăр крансене йĕркене кĕртрĕç.

Ача сачĕн ĕçченĕсем кухня урайне, коридор стенисене сăрларĕç, методика кабинетне çĕнетрĕç. Çÿлерех асăннă ĕçсене 5 кун хушшинче туса пĕтертĕмĕр.

Авăн уйăхĕн пуçламăшĕнчен 3 ушкăн ĕçлеме пуçлать. Кăçал та Кармалпа Вăтаялĕнчен çÿрĕç пĕчĕк шăпăрлансем Тĕмерти садике. Кунта ачасене аталанма, сывлăха çирĕплетме условисем туса панă, ашшĕ-амăшĕ кăмăллă воспитательсен ĕçĕпе.

 

Сăн ÿкерчĕкре: ача сачĕн территорине тирпей-илем кĕртнĕ вăхăтра.