23 августа 2011 г.
Районти Грачев хресчен фермер хуçалăхĕ ырă ята тивĕçнĕ коллективсенчен пĕри. Иртнĕ эрнере паллашрăмăр кармалсен тăрăшулăхĕпе. Николай Аркадьевич Шашков комбайнер çаврăм хыççăн çаврăм тăватчĕ сĕлĕ ани çинче. “Енисей” комбайн шанса панă ăна. “Юлашки гектарсем... Çанталăк чăрмантармасан, шăмат кун вырмана вĕçлес тĕллевлĕ эпир”, – тет тăрăшуллă арçын.
Кармалсем 586 гектар çинчи тыр-пула кĕске вăхăтра пухса кĕртнĕ. Тухăç гектар пуçне 25 центнерпа танлашать.
Йĕтем çинче вăй хуракансем те маттур.
Кĕнĕ тырра сортласа-тасатсах тăраççĕ. 2012 çул валли вăрлăх çителĕклĕ хатĕрленĕ çĕр ĕçченĕсем. Фуражлăх тырă та çителĕклĕ хуçалăхăн. Выльăх-чĕрлĕх валли 500 тонна тырă хывнă асăннă коллектив.
Тăвай енри ытти хуçалăхсенче вăй хуракансем те уяр çанталăкăн кашни саманчĕпе туллин усă курасса шанатпăр.
Источник: "Ял ĕçченĕ"