06 июня 2007 г.
Тăвайри виççĕмĕш номерлĕ ясли-садри аслă ушкăна тăхăр ача çÿренĕ. Вĕсен нумаях пулмасть сывпуллашу уявĕ пулчĕ. Е.Александрова, М.Воронцова, М.Ефимов, Е.Евдокимова, Д.Журавлев, Е.Михайлов, А.Степанов, Д.Федорова, А.Храмов хăйсен пултарулăхĕпе паллаштарчĕç: юрларĕç, ташларĕç, сăвăсем каларĕç, кĕнеке вуласа кăтартрĕç. Пĕрремĕш класра “5” паллăсемпе кăна вĕренме пулчĕç.
Хăйсен юратнă воспитательницине Наталья Викторовна Волкована, ясли-садăн ытти ĕçченĕсене чечек çыххи парса тав турĕç. Юлашкинчен Галина Николаевна Михайлова заведующи пĕрремĕш класа кайма хатĕрленекенсене, РФ Патшалăх Думин депутачĕн Павел Семеновăн парнисене парса, шкулта лайăх вĕренекен пулма сунчĕ.
Источник: "Ял ĕçченĕ"