16 марта 2007 г.
Нумаях пулмасть Чăваш республикин “Астăвăм” кĕнекен иккĕмĕш пайĕн 5-мĕш томĕ пичетленсе тухрĕ. Чăваш Президенчĕ Н.Федоров Указĕпе килĕшÿллĕн кун çути курнă ку кĕнеке. Редакци коллегине Чăваш Правительствин председателĕ С.Гапликов ертсе пынă.
“Астăвăма” Аслă Аттелĕх вăрçине хутшăнса киле таврăннă, Тă-вай енре çуралнă салтаксен списокĕ те кĕнĕ.
Район пуçлăхĕн, кĕнекене хатĕрлеме пулăшакан ушкăнăн нумай ĕç туса ирттермелле пулчĕ. Çавăн пекех ял тăрăхĕсен ĕçченĕсем, таврапĕлÿçĕсем, вăрçă ветеранĕсен тăванĕсем чылай пулăшрĕç. “Ял ĕçченĕ” хаçат малтанлăха паллашма, кирлĕ пулсан тÿрлетме, хушусем кĕртме, çÿлерех асăннă списока пичетлесе кăларчĕ. Пурне те пысăк тав пархатарлă ĕçĕршĕн, пурнăçăр ăнса пытăр сирĕн.
Пиллĕкĕмĕш томра пирĕн районти çынсем пирки тĕрлĕ тĕслĕ – 6, хура-шурă тĕслĕ 21 сăн ÿкерчĕк, район çинчен кĕске справка, сал-таксем çинчен çырса кăтартнă 25 текст усă курнă.
Республика кĕнеки çинче питĕ нумай материал кĕртме çук пал-лах. Çавăнпа Тăвай районĕн “Астăвăм” кĕнекине кăларсан лайăх пулĕччĕ. Мĕнле сĕнÿсем параççĕ-ши çакăн пирки вулакансем(
“Астăвăм” кĕнекен 5-мĕш томĕпе ялсенчи, шкулсенчи библиоте-кăсенче, ял тăрăхĕсен администрацийĕсенче, райцентрти пысăк учрежденисемпе предприятисенче паллашма пулать.
Источник: "Ял ĕçченĕ"