23 ноября 2015 г.
.jpg "Çыхма юратакансен клубĕнче")
Çуллахи "каникул" хыççăн "Тăвайри краеведени музейĕ çумĕнчи "Шăтăклаçăсем" клуба çỹрекенсем черетлĕ занятие пухăнчĕç. Пушă алăпа килмен - кашниех хăйĕн ĕçĕпе ыттисене паллаштарчĕ.
Ал ĕçĕсем тума вĕренме çỹренипе пĕрлех, клуб членĕсем тĕрлĕ куравсемпе мероприятисене тăратаççĕ хăйсен япалисене. Акă, А.Р.Кузьмина, Т.П.Семенова, З.А.Петрова Канаш хулинчи пултарулăх ĕçĕсен выставкисене хутшăнса Хисеп грамотисене тивĕçрĕç.
Музейра та паллашма пулать ăста алăллă хĕрарăмсен "тĕлĕнтермĕшĕсемпе". Çывăх вăхăтрах кунта ача-пăча художество шкулĕнчи пĕчĕк ăстасен (ертỹçи Н.Ю.Федорова) куравĕ уçăлмалла.
Ал ĕç ăстисен клубĕн занятийĕсем кашни эрнекун 14 сехетре пуçланаççĕ. Пурне те хапăл тусах кĕтетпĕр.
С.СЕРГЕЕВА.
Источник: "Ял ĕçченĕ"