04 августа 2015 г.
Вăрманхĕрри ялĕнчи Б.Алексеев хресчен фермер хуçалăхĕнче ĕнесем те, ытти выльăх та усраççĕ. Апла пулсан вĕсене хĕл каçарма выльăх апачĕ те кирлĕ. Шăпах çав тĕллевпе тăрăшнă кунта ĕçлекенсем юлашки вăхăтра.
-Сенаж пĕр траншея хупрăмăр. 300 тонна пулчĕ. Малтан утă хатĕрленĕ рулонласа, - терĕ ХФХ ертỹçи Борис Левкеевич.
Курăксене иккĕмĕш хут çулса илме те ĕмĕтленеççĕ. Вĕсем чылай лаптăкра çитĕнеççĕ. Вăрлăхлăх лаптăк та уйăрса хăварнă люцернăна. Хальхи вăхăтра ĕнесене те курăк çулса параççĕ вĕсем кĕтỹрен кĕнĕ çĕре. Ăна Николай Лаптин механизатор çулса хатĕрлет. Николай Алексеевич уйра та, фермăра та, паркра та ĕлкĕрекен ĕçчен.
Источник: "Ял ĕçченĕ"