22 мая 2015 г.
Район администрацийĕн пуçлăхĕ Владимир Ванерке, Тăвай ял тăрăхĕн пуçлăхĕ Николай Васильев тата райадминистрацин халăха социаллă хỹтлĕх паракан пай начальникĕ Людмила Аввакумова Тăвай ялĕнче пурăнакан ĕç ветеранне, тыл ĕçченне Раиса Ивановна Смирнована 90 çул тултарнă ятпа саламланă, пĕрлех Раççей Федерацийĕн Президенчĕн саламлă çырăвне тата асăнмалăх парне панă, нумай çул пурăнма ырлăх-сывлăх суннă.
Раиса Ивановнан ĕç стажĕн пысăк пайĕ Сельхозтехника ĕçĕ-хĕлĕпе çыхăннă. Унта вăл пенси ỹсĕмĕ çитичченех бухгалтер-кассирта тăрăшнă. Тивĕçлĕ канăва тухсан та ахаль ларман, Госстрахăн страхлакан агентĕнче ĕçленĕ.
Мăшăрĕпе, Василий Петровичпа (вăл 1994 çулта çĕре кĕнĕ) пĕрле Раиса Ивановна пилĕк ача воспитани парса ỹстернĕ. Халĕ ачисемпе мăнукĕсем Раиса Ивановнăшăн хăйсем тимлесех тăраççĕ.
Источник: "Ял ĕçченĕ"