10 апреля 2015 г.
Тăвайри культура çуртĕнче вырăнти хăйтытăмлăх кунне, Тăвай районĕ 80 çул тултарнине тата Аслă Çĕнтерỹ тунăранпа 70 çул çитнине халалласа вырăнти хăйтытăмлăх органĕсенче ĕçлекенсен художество пултарулăхĕн смотр-конкурсĕ иртнĕ. Районта 11 муниципаллă йĕркеленỹ: 10 ял тăрăхĕ тата район администрацийĕ. Вĕсенче тăрăшакан муниципалитет служащийĕсен тата çавăн пекех вырăнти хăйтытăмлăх органĕсене 31 ялтан суйланнă депутатсен пĕрлехи ĕçĕпе район экономикăпа социаллă пурнăç аталанăвĕн чылай кăтартăвĕпе малти вырăнсене йышăнать.
Професси праçникĕпе пухăннисене район администрацийĕн пуçлăхĕ Владимир Ванерке саламланă, ăнăçусем суннă. Ĕçре уйрăмах палăрнисене Хисеп грамотисемпе, Тав çырăвĕсемпе чысланă.
Источник: "Ял ĕçченĕ"