18 ноября 2014 г.
Иртнĕ эрнере пирĕн района республикăри аслă шкулсен представителĕсем килнĕ. Тăвай енри вунпĕрмĕш класра пĕлỹ пухакансемпе тĕл пулу йĕркеленĕ вĕсем.
Район администрацийĕн пуçлăхĕ В.Ванерке, вĕрентỹ пайĕн начальникĕ О.Ломоносов, кооператив институчĕн ректорĕ В.Андреев, аслă шкулсене кĕме хушма пĕлỹ паракан центр начальникĕ Ю.Павлова, йĕркелĕх органĕсен кафедрин заведующийĕ М.Иванов, ЧПУн йышăну комиссийĕн тата информаципе шутлав техники факультечĕн ответлă секретарĕсем Н.Петровапа О.Щербакова, И.Яковлев ячĕллĕ педагогика университетĕнчи йышăну комиссийĕн ответлă секретарĕ А.Ефимова, деканăн воспитани енĕпе ĕçлекен çумĕ Н.Савинова хутшăннă унта.
Вĕсем выпускниксене ăнăçлă вĕренсе тухма, аслă шкулсенче пĕлĕве малалла çирĕплетме суннă, ыйтусем çине хуравланă.
Хĕрсемпе каччăсем юлашкинчен ЧПУ студенчĕсен пултарулăхĕпе паллашнă.