Публикации » Ял тăрăхĕнчи тупăшу.

Тăвай ял тăрăхĕн йăлана кĕнĕ уçă турнирĕнче Тăрмăш шашисчĕсем палăрчĕç.

А.Афанасьев кандидат турнира пĕр çухатусăр утса тухрĕ. В.Николаев тата А.Шишов кандидатсемпе кăна очкона çурмалла пайларĕ. Унăн юлташĕ В.Семенов 3-мĕш вырăн йышăнчĕ. 2-мĕш вырăнта В.Николаев (Тăвай), унăн çĕнтерÿçĕрен 1 очко сахалрах. Ăмăртусене çулленхи пекех, хăй вăхăтĕнче чи вăйлă шашистсенчен пĕри пулнă Вл.Чернов та хутшăнчĕ. Вăл 83 çулта. Çамрăксенчен Енĕш Нăрвашран килнĕ Романпа Алина Лукинсене палăртмалла. Шашистсем 15 минутлă микроматч (2 партирен) вылянă. Мала тухнисене Тăвай ял тăрăхĕн администрацийĕ грамотăсемпе парнесем парса хавхалантарнă. Ăмăртусем умĕн шашистсене ял тăрăхĕн пуçлăхĕ Н.Васильев саламласа ăнăçусем суннă.