29 мая 2014 г.
Сакăр вуннăмĕш çулсенчех Çăлпуç ялне çурхи шыв-шур илесрен çĕр валĕ хăпартса хỹтĕлес ĕçе пуçăннă. Анчах ăна вĕçне çитереймен, çавна пула хăш-пĕр урамсенче пурăнакансем кашни çул шыв илнипе тертленнĕ. Иртнĕ çул вĕçĕнче ял старости А.Иванов ЧР Патшалăх Канашĕн депутатĕнчен, "Акконд" кондитер фабрикин генеральнăй директорĕнчен В.Н.Ивановран пулăшу ыйтса пăхнă. Депутат хăйĕн сăмахне тытнă. Çак кунсенче "Чувашавтодор" акционерлă общество, Çăлпуç ялне шыв-шур илесрен хỹтĕлесе, çĕр валĕ купаланă, 161700 тенкĕлĕх ĕç тунă. Çăлпуçсем ĕçпе кăмăллă, Пĕрлехи информаци кунне ирттерме района килсен, вĕсем В.Н.Иванов депутата чĕререн тав турĕç.