20 мая 2014 г.
Район администрацийĕн пĕрремĕш çумĕ - АПК аталанăвĕпе экологи пайĕн начальникĕ В.Чайкин ертсе пынипе комисси ларăвĕ пулнă. Унта "Акатуй-2014" уява ирттерме хатĕрленес ыйтăва сỹтсе явнă. Ларăва район администрацийĕн пуçлăхĕ В.Ванерке тата ял тăрăхĕсен ертỹçисем хутшăннă.
Асăннă уяв Тăвай ялĕнчи спорткомплексра июнĕн 12-мĕшĕнче 11 сехетре пуçланать.
Шкул çулчченхи учрежденин çĕнĕ çуртне тума пуçланипе тĕп сценăна урăх çĕре куçараççĕ. Районти художество пултарулăх коллективĕсем хăйсен лайăх номерĕсемпе паллаштарĕç. Ача-пăчана савăнтаракан аттракционсем, юрă-ташă, спорт мероприятийĕсем пулĕç. Ял хуçалăх производствин чи маттур ĕçченĕсене, ака чемпионне парнесемпе чыслĕç.
Источник: "Ял ĕçченĕ"