08 апреля 2014 г.
Творчествăлла ĕçлекен воспитательсене тупса палăртас тата вĕсен ăсталăхĕпе ыттисене паллаштарас тĕллевпе районта çулсерен "Çулталăк воспитателĕ" конкурс иртет.
Татьяна Шакинапа Ирина Зверева (Тăвайри 1-мĕш номерлĕ ача сачĕ), Арина Карапулова (2-мĕш номерлĕ) тата Вероника Грибова (3-мĕш номерлĕ) воспитательсем пултаруллă пулчĕç.
Чи малтанах конкурсантсем интернетра хăйсен сайчĕсене уçса ĕç опычĕпе паллаштаракан материалсене вырнаçтарчĕç. Унтан творчествăлла презентацисем, мастер-классем кăтартрĕç, уçă занятисем ирттерчĕç. Çапла пултарулăха тĕрлĕ енлĕн сăнласа ачасемпе ĕçлес вăрттăнлăхсене уçса пачĕç. "Çулталăк воспитателĕ" ята Татьяна Шакина тивĕçрĕ.