03 апреля 2014 г.
"Акконд-агро фирма" хупă акционерлă обществăн выльăх-чĕрлĕх комплексĕнче пăрулаттармалли уйрăма пысăклатса йĕркелес ĕç малалла пырать.
Хальхи вăхăтра тĕксе тăвакан хуралтăн çивиттине сендвич-панельпе витеççĕ. Çак ĕçе Шупашкар хулинчи "Эконик-2" ООО строителĕсем пурнăçлаççĕ. Стенасем те ăшă тытакан сендвич-панельсенчен пулĕç.
Çитес эрнере кунтах 24 ĕне вырнаçмалăх изолятор тума пуçласшăн. Ăна хуçалăх меслечĕпе унччен пăрусем тытнă çурт-йĕре реконструкцилесе тăваççĕ.
Сĕт цехне аслăлатса çĕнетес ĕçсем те вăт-вăт пуçланмалла. Подрядчик паллă. Асăннă инвестици проектне пурнăçа кĕртнĕ хыççăн кунта талăкра 30 тонна таран сĕт продукчĕсем ĕçлесе хатĕрлеме тытăнĕç.
Источник: "Ял ĕçченĕ"