13 марта 2014 г.
Пуш уйăхĕн 17 - 28-мĕшĕсенче "Пĕлтерсем: вилĕмпе ăçта сутă тăваççĕ" наркотиксене хирĕçле Пĕтĕм Раççейри акци районта та иртет. Унăн тĕллевĕ - наркомание тата наркопреступноçа хирĕç кĕрешĕве общественноçа явăçтарасси, наркотиксен çаврăнăшне пỹлесси, çамрăксене йăнăш çул çине тăрасран асăрхаттарасси, вĕсене çак хăрушă чиртен хăтăлма пулăшасси. Енчен те эсир наркотикла хатĕрсемпе тивĕçтерекенсем çинчен пĕлетĕр пулсан шанăç телефонĕсемпе ФСКНăн Чăваш Енри управленине 8(8352) 23-01-00 е 2-14-79, 2-11-15, 2-12-41 номерсемпе шăнкăравлама ыйтатпăр. Çавăн пекех райадминистрацине çырса пĕлтерме е унăн официаллă сайчĕ çине информаци яма ыйтатпăр. Акци пынă вăхăтра наркотиксемпе чирлĕ çынсене сыватас, реабилитацилес, профилактика ыйтăвĕсемпе специалистсем консультаци пама пултараççĕ.