27 января 2014 г.
Хоккей районта спортри çĕнĕрен йăл илекен ен шутланать. Апла пулин те вăрманхĕррисемпе чÿкçырмисем пуçарнипе çак çивĕч те кăсăклă вăйă малалла аталансах пырасса шанас килет. Çак уйăхра, акă, хоккейла выляссипе район чемпионачĕ те иртрĕ. Унта, вăрманхĕррисемпе чÿкçырмисемсĕр пуçне, Нăрваш, Тăрмăш, Тăвай ентешлĕхĕ (Шупашкар), Тушкил çамрăкĕсем тата Тăвайри вăтам шкул вĕренекенĕсем хутшăнчĕç. Чÿкçырмисемпе вăрманхĕррисем куçса çÿрекен кубока çĕнсе илчĕç, вĕсене медальсемпе тата дипломпа наградăланă.
Аслă ÿсĕмри çамрăксен вăййи шкул ачисем çине те ырă витĕм кÿрет. 14–15 çулхи çамрăксем, акă, аслă ушкăнра “Ылтăн шайба” клуб парнисемшĕн пыракан ăмăртусен тапхăрĕнче патăрьелсемпе тĕл пулчĕç. Шел, ку хутĕнче вĕсем 3:6 шутпа çухату тÿсрĕç.
