04 декабря 2013 г.
Декабрĕн 12-мĕшĕ – Раççей Федерацийĕн Конституци кунĕ. Вăл çĕр-шывăн Тĕп законĕ шутланать. Çавна май Тăвайри тĕп библиотекăра “С Россией в сердце навсегда” кĕнеке выставки йĕркелерĕмĕр. Вулакансем интересленсех паллашаççĕ. Уйрăмах шкулта вĕренекенсем. Литература куравĕн тĕп тĕллевĕ – халăха Конституци çыннăн прависемпе ирĕклĕхĕсене çирĕплетнине, унăн ăс-тăнĕпе обществăра кирлĕ пек усă курма палăртнине уçса парасси.
Конституци кунĕ умĕн библиотека ĕçченĕсем Тăвайри вăтам шкулти ачасемпе тĕл пулу йĕркелесшĕн, “Конституция Российской Федерации – основной закон для всех” электрон презентацийĕ кăтартасшăн.
Раççейĕн çĕнĕ Конституцине пĕтĕм халăх сасăланин кăтартăвĕсемпе 1993 çулхи декбарĕн 12-мĕшĕнче йышăннă. Унтанпа часах 20 çул çитет. Çакна шкул ачисем пĕлме тивĕç. Мĕншĕн тесен кăçалхи вĕренÿ çулĕ “Конституци урокĕсемпе” пуçланнă.