10 сентября 2013 г.
“Акконд-агро фирма” хупă акционерлă обществăн выльăх-чĕрлĕх комплексĕнче тĕрлĕ ÿсĕмри мăйракаллă шултра выльăхсен йышĕ ÿссе пынă май тата вĕсене пăхса усрамалли условисене лайăхлатса пырас тĕллевпе ĕнесене уçă сывлăшра уçăлтарса çÿретме площадкăсем туса панă, пăру витин картине ÿстернĕ, пăрулаттаракан уйрăма пысăклатса сармашкăн никĕс янă. Ĕнесене активлă моционпа тивĕçтермелли майсем те палăртаççĕ. Çаксем выльăхсен физиологийĕпе продуктивлăхĕ çине ырă витĕм кÿмелле.
Кăçалах сĕт цехĕн усă куракан производство лаптăкне пысăклатма палăртнă. Унта çĕнĕ ют çĕр-шыв оборудованийĕ туянса вырнаçтарма, технологие лайăхлатса, тухăçлăха ÿстерсе пыма пăхнă.
Источник: "Ял ĕçченĕ"