26 июля 2013 г.
Канашри 16-мĕш професси училищин преподавателĕ А.Н.Ермилов Тăвай шкулĕнчи 9-мĕш класс пĕтернĕ çамрăксемпе тĕл пулчĕ, вĕсен малашлăх тĕллевĕсемпе кăсăкланчĕ. Сăмах май, Анатолий Николаевич çулленех кунти вĕренекенсемпе тĕл пулса калаçать, халăх хуçалăхĕнче ĕçлеме пысăк квалификациллĕ специалистсем кирлине ăнлантарать.
Чи малтанах вĕренÿ учрежденийĕн ĕçĕ-хĕлĕпе паллаштарчĕ вăл.
Яшсемпе хĕрсем сварщик, каменщик, бетонщик, отделочник, штукатур-маляр специальноçĕсене илме пултараççĕ кунта. Вĕренÿри улшăнусем çинче те чарăнса тăчĕ.
–Кăçалтан професси училищи техникум статусне илмелле, – терĕ А.Ермилов. –Çакă вĕренÿ çулĕнчен повар-кондитер, электрогазосварщик, анлă профильлĕ сутуçă профессийĕсене алла илме пуçлĕç.
Училищĕре Тăвай районĕнчен чылайăн вĕренеççĕ, вĕсем пултаруллă пулнине палăртрĕ.
Çамрăксем училище преподавательне чылай ыйту пачĕç.