08 мая 2013 г.
Кăçалхи апрель уйăхĕн итогĕсемпе “Акконд–агро фирма” хупă акционерлă обществăри выльăх-чĕрлĕх пăхакансем “Тăвай районĕнчи чи лайăх сĕт-çу ферми” ята илессишĕн пыракан ăмăртура малтисем пулса тăнă. Коллектив январь – апрель уйăхĕсенче кашни ĕнерен вăтамран 2012-шер килограмм сĕт сунă, продукци туса илесси 9 процент хушăннă.
Аккондçăсене çитĕнÿсемпе район администрацийĕн пуçлăхĕн пĕрремĕш çумĕ – АПК аталанăвĕпе экологи пайĕн начальникĕ Валерий Чайкин ăшшăн саламланă. “Сирĕн ĕç виçесĕр мухтава тивĕç. Хастар ĕçшĕн хаваспах тав тăватăп, сире çирĕп сывлăх, ăнăçусем, телей сунатăп”, – тенĕ администраци пуçлăхĕн пĕрремĕш çумĕ куçса çÿрекен приза панă чухне. Коллектива дипломпа тата хаклă парнепе чысланă.
Тăвайри культурăпа кану центрĕнчи художествăлла пултарулăх коллективĕ ĕçченсене сума суса хаваслă юрăсем шăрантарнă.
Первоисточник: Ял есчене