08 мая 2013 г.
Чăвашпотребсоюз темиçе çул ĕнтĕ тĕрлĕ кăтартусемпе Раççейри ăмăртусенче малти вырăнсене йышăнать. Кăçал ăна йĕркеленĕренпе 120 çул çитет. Çавна май республикăра тĕрлĕ мероприятисем иртеççĕ кооператорсен.
Ака уйăхĕн 25-мĕшĕнче пулнă уяври конкурсра пирĕн районти кондитер цехĕнче тăрăшакан С.Лашманова тортсем, пурĕ 20 яхăн тĕрлĕ издели илсе кайнă, иккĕмĕш вырăна тухнă вăл.
“Мăнкун тĕлĕнтермĕшĕ” конкурса çу уйăхĕн 4-мĕшĕнче йĕркеленĕ Чăваш енре. Тăвай ен кооператорĕсем унта та пуçарулăх кăтартнă. Р.Никифорова повар “Сюрпризлă семга” ятлă блюдăпа çĕнтерÿçĕ пулса тăнă. Ренатăна конкурса хутшăнма “Тăвайри общепит” тулли мар яваплăхлă обществăри ĕçсене йĕркелесе пыракан Вера Анатольевна Александровапа Ольга Ивановна Автина технолог пулăшнă.
Первоисточник: Ял есчене