Публикации » Ветерансем – вăйлисен йышĕнче

Иртнĕ эрнере ветерансен республикăри футбол ăмăртăвĕсем вĕçленнĕ.

“Тăвай–Локомотив” каярах вăхăта куçарнă тĕл пулăва “Стальрен” 2:0 шутпа выляса илнĕ (мечĕксен авторĕсем К.Мироновпа О.Егоров). Çапла вара тăвайсемпе канашсем кăçал чылай ăнăçлă вылярĕç, Шупашкарти “Волга”, “Крылья”, “Динамо” командăсем хыççăн 4-мĕш картлашка çине çĕкленме тивĕçрĕç (44 очко). Ку пысăк çитĕнÿ. Команда 13 тĕл пулăва выляса илнĕ, 5-ĕшĕ енсем çĕнтерейменнипе вĕçленнĕ, 4 тĕл пулăва выляса янă. 22 вăйăра пирĕн ветерансем 49 мечĕк тапса кĕртнĕ, 23-ĕшне хамăр хапхана кĕрттерсе янă.

Турнира “Волгăпа” “Крылья” пĕрешкел очкопа вĕçленĕ – 55. Ноябрь пуçламăшĕнче вĕсен хушшинче çĕнтерÿçĕне палăртма хушма матч ирттереççĕ. “Динамо” 50 очкопа 3-мĕш вырăн йышăнать.