Чăваш автономи облаçне туса хунăранпа 100 çул çитнине халалласа иртекен марафонăн тапхăрĕ хальхи вăхăтра Патăрьел тăрăхĕнче пырать. Çитес эрнекун вăл Елчĕке çитĕ.
Çак тапхăрта районти шкулсенче Чăваш автономийĕ мĕнлерех йĕркеленсе кайни пирки, халăх кун-çулĕ çинчен документлă фильмсем /«Çынсем – легендăсем. Андриян Григорьевич Николаев. Кăйкăр», «Н.Я.Бичурин, Иван Яковлев çамрăксен чĕринче», «Карусель судьбы» /Тани Юн/, «Шупашкар», «Чапаев»/ кăтартаççĕ.
Мероприятисем çитĕнекен ăрăва патриотла воспитани парас тĕллевпе пурнăçланаççĕ.