04 сентября 2013 г.
Елчĕк район прокуратури кăçалхи авăн уйăхĕнче Елчĕкри полици пайĕпе, вырăнти хăй тытăмлăх органĕсемпе, вĕренỹ учрежденийĕсемпе, çамрăксен тата обществăлла ытти пĕрлешỹсемпе пĕрле "Вилĕмпе ăçта суту-илỹ тунине пĕлтер" ятпа профилактика мероприятийĕсем йĕркелет.
Вĕсен тĕп тĕллевĕ - граждансене наркоманипе çыхăннă саккунсем, ку енĕпе саккуна пăссан тивекен яваплăх пирки ăнлантарасси, наркотикпа суту-илỹ тăвассине, унпа усă курассине хирĕç кĕрешессине профилактикăласси тата çак ĕçе общественноçа явăçтарасси.
Оперативлă информаци йышăнассипе "хĕрỹ лини" те йĕркеленĕ. Наркоманипе чирлисене вăхăтра пулăшас, наркотикпа суту-илỹ туни е наркопритон йĕркелени, е саккуна пăснă ытти тĕслĕхсем пирки пĕлтерес тесен граждансем 2-50-05, 2-54-53 номерсемпе шăнкăравлама е ятарласа вырнаçтарнă ешчĕксене çырусем яма пултараççĕ. Хыпар пĕлтерекенсен хушаматне вăрттăнлăхра упрĕç.