Публикации » Çăварни эрни пулчĕ сарлака

 Нарăс уйăхĕн 14-мĕшĕ чылай пулăмсемпе аса юлчĕ. Çак кун Таса Валентин кунĕ _ юратакансен уявĕ. Çапах та асра юлакан тепĕр уяв вăл _ Çăварни эрни. Çăварни эрни вăл нумайăшĕшĕн хĕле ăсатса çуркунне кĕтсе илмелли уяв. Аслă Типĕ вăхăтне те хатĕрленмелли тапхăр. Çăварнине çынсем авалтанах паллă тунă, сĕтел тулли апат-çимĕç хатĕрленĕ, юрласа-выляса савăннă, икерчĕ çинĕ. Çак эрнере кашни кунăн хăйĕн ячĕ пулнă. Акă, тунти кун Çăварнине кĕтсе илнĕ, ытлари кун _ вăйă-кулă, юн кун _ "яка пыр", хунямăшĕсем кĕрỹшĕсене икерчĕ çиме чĕннĕ, кĕçнерни кун _ катаччи чупнă, эрне кун _ кĕрĕвĕ хунямăшне, шăмат кун кинĕ упăшкин тăванĕсене хăналанă, вырсарни кун _ ăсату, пĕр-пĕрне каçармалли кунсем. Çак кун "Ырсамай" культурăпа кану паркĕнче уяв иртрĕ. Елчĕкри культурăпа кану центрĕнче ĕçлекенсем ташă-юрăпа савăнтарчĕç. Уява пухăннă çынсене район пуçлăхĕ Н.Миллин саламларĕ.