Публикации » Ватёлмастпёр-ха

Тăрăм ялĕнче пурăнакан Н.Яковлев Киров хулинче кире пуканĕ йăтассипе ветерансем хушшинче йĕркеленĕ Раççей чемпионатĕнчен кĕмĕл медальпе таврăннă. _ Çамрăк чухне спортпа туслă пулнă, кире пуканĕ йăтакансен районти ăмăртăвĕсенче призлă вырăн йышăннă, _ аса илет ветеран. _ Анчах каярахпа вăхăт çитменрен тата пурнăçа пула кире пуканĕ йăтасси манăçа тухрĕ пулас. Иртнĕ çулхи кĕркунне хамăр ентеш, республикăри кире пуканĕ спорчĕн федерацийĕн председателĕ Ю.Карпов кире пуканĕпе хăнăхусем тума хавхалантарса ячĕ. Часах ăмăртусене хутшăнма тытăнтăм та çитĕнỹсем те кĕттермерĕç. Юлашки çур çулта Николай Лукич СССР спорт мастерĕн А.Пимулинăн призĕсене çĕнсе илессишĕн республикăри турнирта, "Урожай" спорт обществин чемпионатĕнче, Чăваш Республикин чемпионатĕнче, "Хыпар" хаçат турнирĕнче тата ытти ăмăртусенче палăрма ĕлкĕрнĕ ĕнтĕ. Малашне те ăнăçу сунатпăр ăна.