22 февраля 2017 г.
Пулас математиксен турнирĕ
И.Н.Ульянов ячĕллĕ чăваш патшалăх университечĕпе Шупашкарти Калинин районĕн администрациийĕн вĕренÿ пайĕ йĕркеленипе Комсомольски районĕнчи 2-мĕш шкулта Чăваш Республикинчи çамрăк математиксен ял турнирĕ иртнĕ. Унта кăнтăр енчи районсенчен – Комсомольски, Патăрьел, Шăмăршă, Елчĕк тăрăхĕсенчен – 5-11-мĕш классенче вĕренекенсен 40 команди хутшăннă.
Турнира уçма Каçал ене ЧР вĕренÿ министрĕ Юрий Исаев пынă. Вăл университет пултаруллă ачасемпе çыхăну йĕркеленин, тĕллевлĕн ĕçленин пĕлтерĕшĕ пысăккине палăртнă. ЧР Патшалăх Канашĕн депутачĕ, ЧПУ ректорĕ Андрей Александров Комсомольский районĕн администрацине профориентации мероприятийĕсене хастар хутшăннăшăн тав тунă.
Çĕнтерçĕсемпе призерсен йышĕнче – Комсомольскинчи 1-мĕш тата 2- мĕш, Урмаелти, Тукай Мишерти, Аслă Чурачăкри, Аслă Çĕрпÿелти вăтам шкулсенче, Анат Тимĕрчкассинчи, Тăманлă Выçлири тĕп шкулсенче, Патăрьелти 1- мĕш, 2- мĕш Турханти, Нăрваш Шăхальти, Алманчăри вăтам шкулсенче, Елчĕкри, Курнавăри вăтам шкулсенче, Шăмăршăри вăтам шкулта вĕренекенсем.