04 марта 2015 г.
Шăматкун Çĕнĕ Пăва шкулĕнче СССР спорт мастерне Владимир Ильич Филимонова асăнса ирĕклĕ майпа кĕрешекенсен районти ăмăртăвĕ иртрĕ. Турнирта шкулсенче вĕренекен арçын ачасем тата хĕрачасем хутшăнчĕç.
В.Филимонов 1949 çулта Çĕнĕ Пăва ялĕнче çуралнă. Пилĕк класс пĕтерсен Шупашкар хулине куçса каяççĕ. Вăл унта ирĕклĕ майпа кĕрешекенсен шкулĕнче ăсталăха туптать. 9-мĕш класра вĕреннĕ чухнех СССР спорт мастерĕн нормативне тултарать. 3 хутчен СССР ăмăртăвĕсенче кĕмĕл медале тивĕçет, 1970 çулта СССР чемпионатĕнче 52 кг виçере вăл финалта 2 хут Олимп чемпионне Гаджиева (Азербайджан) çеç выляса янă.
Шел пулин те, В.Филимонов 2001 çулта йывăр чирленĕ хыççăн пурнăçран вăхăтсăр уйрăлса каять.
Кăçал пиллĕкмĕш турнира Çĕнĕ Пăва шкулне 70 ытла кĕрешекен хăйсен ăсталăхне кăтартма пуçтарăнчĕ. Тĕрлĕ шкулсенчен килнĕ вĕсем. Кĕрешекенсене шкул ертỹçи Д.Горшков, НПО "Промсервис" АХО ертỹçи Ю.Титов, "Кĕрешỹ" федерацийĕн ертỹçи В.Васильев, "Кĕрешỹ" мелне пуçараканĕ Н.Петров, Чăваш Республикин транспорт предприятийĕн директорĕ, уйрăм предприниматель А.Ефремов, Чăваш Республикин "Фармация" ПУП генеральнăй директорĕ В.Филимонов, "Республикăри клиника больници" бюджет учрежденийĕн тĕп врачĕн çумĕ В.Уткин, спорт мастерĕсем-ветерансем Н.Казначеев, А.Кожевников, милицин отставкăри полковникĕ В.Мыльников тата Тутарстанран килнĕ спорт ветеранĕ М.М.Сафиянов ăнăçу сунчĕç.
Ăмăрту питĕ хĕрỹ иртрĕ. Курма килнисем те питĕ йышлă, ачасене хавхалантарса тăраççĕ.
Чи малтан кавир çине 2002 çулта çуралнă тата унтан çамрăкрах арçын ачасем тухрĕç: 24 кг. 1. А.Федоров (Çĕнĕ Пăва), 2. Р.Яковлев (Аслă Елчĕк), 3. Д.Крысов (Елчĕк). 26 кг. 1. А.Евстафьев, 2. Р.Никонов (Елчĕк), 3. А.Савинов (Çирĕклĕ Шăхаль). 29 кг. 1. А.Ефремов (Çĕнĕ Пăва), 2. Р.Александров (Çирĕклĕ Шăхаль), 3. А.Ишмуратов (Елчĕк). 32 кг. 1. Р.Иванов (Çĕнĕ Пăва), 2. Д.Крысов (Елчĕк), 3. О.Ефимов (Аслă Елчĕк). 35 кг. 1. Р.Галошев (Кушкă), 2. А.Никонов (Çĕнĕ Пăва), 3. З.Семенов (Çĕнĕ Пăва). 38 кг. 1. Е.Абрамов, 2. Д.Мякин, 3. Н.Аверьянов (Çĕнĕ Пăва). 42 кг. 1. Д.Викентьев (Çĕнĕ Пăва), 2. Д.Мекшеев (Кушкă), 3. А.Антонов (Элекçей Тимеш).
Тепĕр ушкăнра 2001-1999 çулта çуралнă арçын ачасем тупăшрĕç: 42 кг. 1. А.Тябуков (Аслă Елчĕк), 2. А.Крысов (Çĕнĕ Пăва), 3. И.Карчиков ( Çирĕклĕ Шăхаль). 46 кг. 1. Н.Абрамов (Çĕнĕ Пăва), 2. В.Соколов (Елчĕк), 3. Г.Емильев ( Кушкă). 50 кг. 1. Н.Лапшин (Çирĕклĕ Шăхаль), 2. Д.Петров (Патреккел), 3. П.Галкин (Çирĕклĕ Шăхаль).
Турнирăн тепĕр ушкăнĕнче 1998 çулта çуралнă тата çамрăкрах хĕрачасем кĕрешрĕç: 43 кг. 1. А.Семенова (Çĕнĕ Пăва), 2. А.Лапшина (Çирĕклĕ Шăхаль), 3. Е.Волкова (Çĕнĕ Пăва). 56 кг. 1. Марина Зайцева, 2. А.Федорова (Çĕнĕ Пăва), 3. К.Лапшина (Çирĕклĕ Шăхаль). 70 кг. 1. Р. Ульянкина (Çирĕклĕ Шăхаль), 2. Мария Зайцева, 3. Е.Конюкова (Çĕнĕ Пăва).
Итогсене пĕтĕмлетнĕ хыççăн кубока Çĕнĕ Пăва шкулĕ çĕнсе илчĕ, Елчĕксем - иккĕмĕш, Çирĕклĕ Шăхальсем - виççĕмĕш. Çĕнтерỹçĕсемпе призерсене медальсем, грамотăсем тата хаклă парнесем парса чысларĕç. Унсăр пуçне илемлĕ кĕрешекенсене НПО "Промсервис" АХО генеральнăй директорĕ Ю.Титов укçан преми парса хавхалантарчĕ. Чи çамрăк кĕрешекен - Б.Пыркин (Кушкă), çĕнтерес тесе кĕрешекен А.Ефремов (Çĕнĕ Пăва), чи лайăх кĕрешекен Р.Иванов (Çĕнĕ Пăва). Çавăн пекех Е.Абрамов, Д.Викентьев, Н.Абрамов та премине тивĕçлĕ пулчĕç. Турнира ирттерсе яма спонсорсем пысăк пулăшу пачĕç. Вĕсен йышĕнче А.Ефремов, Ю.Титов, В.Васильев, В.Филимонов, В.Ласточкин, В.Уткин, пĕртăван Дениспа Дима Лисицынсем, Г.Кукурузов, И.Докторов.
С.АЛЕКСАНДРОВ,
физкультура учителĕ.
Источник: "Елчĕк Ен"