10 января 2013 г.
Раштав уявĕ умĕн Тăрмăш ялĕнче пурăнакан Лидия Павловна Струнковăна 90 çул тултарнă ятпа район администрацийĕн социаллă хỹтлĕх пайĕн начальникĕ И.Аникина, Тăрăм ял тăрăхĕн ертỹçи В.Александров, ветерансен канашĕн председателĕ В.Щербаков саламланă. Тĕмер ялĕнче çуралса ỹснĕ Лидия Павловна Уткина (хĕр чухнехи хушамачĕ) 1942 çулта Елчĕкри МТСри трактористсен курсĕнчен вĕренсе тухнă, Çирĕклĕ юхан шыв тăрăхĕнчи хуçалăхсенче ака-суха тунă, тыр-пул пуçтарса кĕртнĕ, районти чи лайăх хĕрарăм механизаторсенчен пĕри шутланнă. Лидия Павловна вăрçă çулĕсенче çĕре сухалас, акас, тракторпа ĕç тăвас енĕпе арçын трактористсенчен те ирттернĕ. Ăна Чăваш АССР Верховнăй Совечĕн депутатне суйланă, Чăваш АССР Верховнăй Совечĕн Хисеп грамотипе чысланă. Ырлăх-сывлăх Сире, Лидия Павловна!
Источник: "Елчĕк Ен"