Публикации » Суту-илỹ саккунĕ йышăннă

03 марта 2010 г.

        Нарăс уйăхĕн 1-мĕшĕнчен "Раççей Федерацийĕнчи суту-илỹ ĕç-хĕлĕн патшалăх йĕркелĕвĕн никĕсĕ çинчен" саккун вăя кĕчĕ. "Единая Россия" парти ырланă суту-илỹ саккунĕ хаксем ỹснине контрольлеме конкретлă механизмсем йĕркелет. Вăл хаксене сăлтавсăрах ỹстерекен пысăк суту-илỹ сечĕсен монополисчĕсене хирĕç пырĕ. "Единая Россия" партин Патшалăхпа патриот клубĕн координаторĕ, Патшалăх Думин депутачĕ Ирина Яровая çапла комментари панă: "Суту-илỹ саккунне регионсенче тата тавар туса кăларакансем çеç мар кĕтнĕ. Вак тата вăтам бизнес представителĕсем те ăна ырласа йышăннă. Саккунра палăртнă пек, предпринимательсен право хутшăнăвĕсен çĕнĕ этикине йĕркелеççĕ. Обществăн тĕрлĕ шайĕсене _ тавар туянакансене, ăна туса кăларакансене тата суту-илỹ организацийĕсен интересĕсене тивĕçтерĕ вăл". "Единая Россия" парти çĕршывăн кашни кĕтесĕнче саккун мĕнле пурнăçланнине тĕрĕлессине хăй çине илет.

Источник: "Елчĕк Ен"